Ulakatthin avasaana naal vareyum

Verse 1

ഉലകത്തിൻ അവസാന നാൾ വരെയും വലഭാഗത്തേശു എൻ കൂടെയുണ്ട് അനാഥനായ് ഒരു നാളും വിടുകയില്ല അനാദിയാം യേശു എൻ അരികിലുണ്ട്

Verse 2

മുന്‍പ് ഞാൻ ദൈവത്തിൻ ശത്രുവായി ഞാൻ ഇന്ന് ദൈവത്തിൻ പുത്രനാണ് അബ്ബാ-പിതാവെന്നു വിളിച്ചിടുവാൻ അന്‍പു പകർന്നെന്നെ ദത്തെടുത്തു

Verse 3

ക്രൂശിലെ സ്നേഹത്താൽ ബദ്ധനാക്കി യേശുവിൻ രക്തത്താൽ ശുദ്ധനാക്കി നാവിലവൻ പുത്തൻ പാട്ട് തന്നു ദൈവാധി ദൈവത്തിന്‍ സ്തുതികൾ തന്നെ

Verse 4

രക്ഷകൻ യേശുവിൻ അത്ഭുതത്തിൻ സാക്ഷിയായ് തീർന്നിടാൻ രക്ഷിച്ചെന്നെ പാടിടും എന്നും തൻ കീർത്തനങ്ങൾ പാർത്തലത്തിൽ എന്‍റെ നാള്‍കൾ എല്ലാം

Verse 5

മണ്ണിലെൻ ജീവിതം നശ്വരമേ വിണ്ണിൽ എൻ വാസമോ നിത്യമാമേ ഇദ്ധരയിൽ ഞാൻ വസിച്ചിടും നാൾ കർത്തനാം യേശുവെ പിൻ ചെന്നിടും

LyricFront