Un Nenjile Undana

Verse 1

உன் நெஞ்சிலே உண்டான விசாரங்களை நீ கர்த்தாவின் உண்மையான கரத்துக்கொப்புவி ; விண்மனை ஆண்டிருக்கும் மகா தயாபரர் உன் காரியங்களுக்கும் வழியுண்டாக்குவார்.

Verse 2

ஜெயமடைந்து வாழ கர்த்தாவைப் பிள்ளை போல் நீ நம்பி மனதார பணிந்து பற்றிக்கொள். உன் கவலைகளாலே பயம் ரட்டிக்குது; வேண்டாம் ஜெபத்தினாலே நீ வேண்டிக்கொண்டிரு .

Verse 3

ஏழை அடியாருக்கு பிதாவாம் தேவரீர் இன்னின தெங்களுக்கு வேண்டும் என்றறிவீர் ; நீர் எதை நல்லதாக கண்டீரோ அதை நீர் உம் வேளை பலமாக வர விடுகிறீர் .

Verse 4

பல வழிவகையும் உம்மாலே ஏற்படும் ; நீர் செய்வது இசையும் நீர் சொன்னது வரும்; நீர் வாக்குத்தத்தமாக பொழிந்தவை எல்லாம் உம்மாலே திட்டமாக நற்காலத்தில் உண்டாம்.

Verse 5

இக்கட்டுகளினாலே கலங்கினோனே நீ திடன் கொள் கர்த்தராலே இக்கட்டான ராத்திரி சந்தோஷமாக மாறும் சற்றே பொறுத்திரு ; நீ பூரிப்பாய் கொண்டாடும் நாள் வரப்போகுது .

Verse 6

உன் கவலைகளுக்கு இன்றே விடை கொடு; இனிவிசாரத்துக்கு இடங்கொடாதிரு ; நீ ஆளும் தெய்வமல்ல நீ பூச்சி யென்றறி; சருவத்திற்கும் வல்ல கர்த்தர் அதிபதி .

Verse 7

நீ பக்தியை விடாமல் பொறுத்திருக்கையில் கர்த்தர் நீ நினையாமல் இருக்கும் நேரத்தில் உன் துக்கத்தை அகற்ற வெளிச்சம் காண்பிப்பார் ; நீ நன்மைக்காகப் பட்ட சலிப்பை நீக்குவார் .

Verse 8

அட்சணமே பலத்த ஜெயமும் பூரிப்பும் ஆசிர்வதிக்கப்பட்ட தெய்வீகத் தேற்றலும் அடைந்து இன்பமான மன மகிழ்ச்சியாய் அன்புள்ள மீட்பரான கர்த்தாவைப் பாடுவாய் .

Verse 9

கர்த்தாவே எங்களுக்கு எல்லா இக்கட்டிலும் ரட்சிப்பளிப்பதற்கு நேரிட்டுக்கொண்டிரும் ; ஆ எங்களைத் தேற்றிடும்; பரகதிக்குப் போம் வழியிலும் நடத்தும் அப்போ பிழைக்கிறோம்

Add to Setlist

Create New Set

Download Song

Login required