Usha kaalam naam ezhunnelkkuka

Verse 1

ഉഷകാലം നാം എഴുന്നേൽക്കുക പരനേശുവെ സ്തുതിപ്പാൻ ഉഷഃകാലം എന്താനന്ദം നമ്മൾ പ്രിയനോടടുത്തിടുകിൽ

Verse 2

ഇതുപോലൊരു പ്രഭാതം നമുക്കടുത്തിടുന്നു മനമേ ഹായെന്താനന്ദം നമ്മൾ പ്രിയനാ- ശോഭ സൂര്യനായ് വരുന്നാൾ

Verse 3

നന്ദിയാലുള്ളം തുടിച്ചിടുന്നു തള്ളയാമേശു കാരുണ്യം ഓരോന്നോരോന്നായ് ധ്യാനിപ്പാനിതു നല്ല സന്ദർഭമാകുന്നു

Verse 4

ഇന്നലെ ഭൂവിൽ പാർത്തിരുന്നവ- രെത്ര പേർ ലോകം വിട്ടുപോയ് എന്നാലോ നമുക്കൊരു നാൾകൂടെ പ്രിയനെ പാടി സ്തുതിക്കാം

Verse 5

നഗ്നനായി ഞാൻ ലോകത്തിൽ വന്നു നഗ്നനായ്ത്തന്നെ പോകുമെ ലോകത്തിലെനിക്കില്ല യാതൊന്നും എന്റെ കൂടന്നു പോരുവാൻ

Verse 6

ഹാ! എൻപ്രിയന്റെ പ്രേമത്തെ- യോർത്തിട്ടാനന്ദം, പരമാനന്ദം ഹാ! എൻപ്രിയനാ പുതുവാന- ഭൂദാനം ചെയ്‌വതെന്താനന്ദം

Verse 7

മരുവിൽ നിന്നു പ്രിയന്മേൽ ചാരി വരുന്നോരിവളാരുപോൽ വനത്തിൽകൂടെ പോകുന്നേ ഞാനും സ്വന്തരാജ്യത്തിൽ ചെല്ലുവാൻ

Verse 8

കൊടുങ്കാറ്റുണ്ടീ വനദേശത്തെൻ പ്രിയനേ എന്നെ വിടല്ലേ കൊതിയോടു ഞാൻ വരുന്നേ- യെന്റെ സങ്കടമങ്ങു തീർക്കണേ

LyricFront