Vazhthum yeshuve njan

Verse 1

വാഴ്ത്തും യേശുവെ ഞാൻ വാഴ്ത്തും യേശുവെ ഭക്തിയായ് വണങ്ങി നിത്യം വാഴ്ത്തും യേശുവേ

Verse 2

സത്യദൈവ ജാതനും സ്തുത്യനാമെൻ നാഥനും ഭക്തചിന്താമണിയുമായ് പാർത്തിടും ശ്രീയേശുവേ

Verse 3

കത്തിയെരിഞ്ഞുള്ളൊരു തീയിൽ നിന്നീക്കൊള്ളിയെ തൽക്ഷണം വലിച്ചെടുത്തു കാത്ത കൃപാ മൂർത്തിയെ

Verse 4

ഘോരമാമിരുളിലെൻ ചാരുവാം വെളിച്ചമായ് സൂര്യനെപ്പോൽ വിളങ്ങുന്ന കാരണസ്വരൂപിയെ

Verse 5

കാട്ടുമരപ്പന്തിയിൽ നാരകമാണെൻ പ്രിയൻ നാട്ടിലെങ്ങുമൊളി വീശും ശാരോൻ ലില്ലിപ്പുഷ്പവും

Verse 6

നായകനുമായവൻ സ്നേഹിതനും താതനും മായമറ്റ മാതാവുമെൻ മാന്യ ഗുരുഭൂതനും

Verse 7

ശീതമതിലുഷ്ണവും ചൂടിലെൻ തണുപ്പതും ദീന ശയ്യയിലെനിക്കു ദിവ്യമാമൗഷധവും

Verse 8

ജീവനേകുമപ്പവും ദിവ്യപാന വസ്തുവും പ്രേമഗീതവും മധുര വാദ്യവും സമ്പാദ്യവും

Verse 9

നാശമില്ലാദ്രവ്യവും പേശലമാം ഹവ്യവും ആശയുള്ളോർക്കായവൻ താനായതിൽ ഭവ്യവും

LyricFront