Vazhum njanen rakshitavin kudeyeppozhum

Verse 1

വാഴും ഞാനെൻ രക്ഷിതാവിൻ കൂടെയെപ്പോഴും തൻ കൃപയിൽ ആശ്രയിക്കും എല്ലാനാളും ഞാൻ പാടും ഞാനെന്നും എന്റെ പ്രിയനെ

Verse 2

എന്റെ പ്രിയൻ വാനിൽ നിന്നെഴുന്നെള്ളീടുന്ന മാറ്റൊലി ഞാൻ കേട്ടിടുന്നു നാട്ടിലെങ്ങുമേ ക്ഷാമം ഭൂകമ്പം അതിനാരംഭം

Verse 3

ക്ഷാമത്താലിക്ഷോണി എങ്ങും ക്ഷീണമാകുമ്പോൾ എനിക്കെത്തിടാത്ത നിക്ഷേപമുണ്ടെന്റെ പ്രിയനിൽ എന്നെ പോറ്റിടും എന്റെ രക്ഷകൻ

Verse 4

ഇന്നലെക്കാളിന്നു ഞാനെൻ പ്രിയൻ നാടിനോ- ടേറ്റം അടുത്തതായതെനിക്കെത്ര ആനന്ദം എന്റെ പ്രീയനെ ഒന്നു കാണുവാൻ

Verse 5

ഈ വാരിധിയിൻ വൻ തിരയിൻ തള്ളലേറ്റു ഞാൻ മുങ്ങിടാതെ പ്രിയനെന്റെ ബോട്ടിലുണ്ടല്ലോ ഗാനം പാടി എൻ നാട്ടിലെത്തുമെ

Verse 6

എൻ രക്ഷിതാവേ നിൻ വരവു കാത്തു കാത്തു ഞാൻ ഈ ദുഷ്ടലോകെ കഷ്ടതകൾ എത്ര ഏൽക്കണം നിന്നെ കാണുമ്പോൾ എൻ ദുഃഖം തീർന്നുപോം

LyricFront