Velicchatthin kathirukal vilangume

Verse 1

വെളിച്ചത്തിൻ കതിരുകൾ വിളങ്ങുമീ സമയത്തു വെളിച്ചമാം യഹോവയെ സ്തുതിക്കണമവൻ ജനം

Verse 2

ഇരുട്ടൊഴിഞ്ഞവനിയിൽ തിളക്കമിങ്ങുദിക്കുന്നു വെളിച്ചമാം മശീഹയീ വിധം നമ്മിലുദിക്കണം

Verse 3

തിരുമുഖമതിൻ പ്രഭ തെളിവോടു വിലസുമ്പോൾ ഇരുളിന്റെ പ്രവൃത്തികൾ മറവിടം തിരക്കിടും

Verse 4

തിരുമൊഴി ദിവസവും പുതിയതായ് പഠിക്കുകിൽ ശരിവരെ വഴി തെറ്റാതിരുന്നിടാമസംശയം

Verse 5

ദിനമതിൻ തുടസ്സത്തിൽ മനുവേലിൻ മുഖാംബുജം ദരിശിച്ച നരനൊരു ദുരിതവും വരികില്ല

Verse 6

മനമതി തെളിവിനോടിരുന്നിടും സമാധാനം ദിവസത്തിന്നൊടുവോളം ഭരിച്ചിടും മനസ്സിനെ

Verse 7

സമസ്തമാം പരീക്ഷയും ജയിച്ചിടാം കൃപാമുലം ഒരിക്കലുമിളകാത്ത പുരമതിൽ കടന്നിടാം

Verse 8

ഗതിയില്ലാ ജനങ്ങളിൽ കനിയുന്ന മഹേശനേ! കരം പിടിച്ചന്നെ തിരുവഴികളിൽ നടത്തുക

Verse 9

ദുഃഖത്തിന്റെ പാനപാത്രം : എന്ന രീതി

LyricFront