Yahenna daivam ennidayanaho

Verse 1

യാഹെന്ന ദൈവം എന്നിടയനഹോ! യാതൊരു കുറവുമില്ലെനിക്കിനിയും പച്ചപ്പുൽപ്പുറത്തെന്നെ കിടത്തുന്നവൻ നിശ്ചല ജലം എന്നെ കുടിപ്പിക്കുന്നു

Verse 2

സന്തതമെന്നുള്ളം തണുപ്പിക്കുന്നു തൻ തിരുപ്പാതയിൽ നടത്തുന്നെന്നെ കൂരിരുൾ താഴ്വരയതിൽ നടന്നാൽ സാരമില്ലെനിക്കൊരു ഭയവുമില്ല

Verse 3

ഉന്നതൻ എന്നോടു കൂടെയുണ്ട് തന്നിടുന്നാശ്വാസം തൻ വടിയാൽ എനിക്കൊരു വിരുന്നു നീ ഒരുക്കിടുന്നു എന്നുടെ വൈരികളിൻ നടുവിൽ

Verse 4

ശിരസ്സിനെ അഖിലവും അനുദിനവും പൂശുന്നു സൗരഭ്യതൈലമതാൽ എന്നുടെ പാനപാത്രം ദിനവും ഉന്നതൻ കരുണയാൽ കവിഞ്ഞിടുന്നു

Verse 5

നന്മയും കരുണയും എന്നായുസ്സിൽ ഉണ്മയായ് തുടർന്നിടും ദിനവുമഹോ! സ്വർഗ്ഗീയ ആലയം തന്നിലീ ഞാൻ ദീർഘകാലം വസിക്കും ശുഭമായ്

LyricFront