Yahova ethra nallaven - Alas! and did my Savior

Verse 1

യഹോവ എത്ര നല്ലവൻ തൻ ആശ്രിതർക്കെല്ലാം മാറാത്ത മഹാവിശ്വസ്തൻ താൻ നിത്യപാറയാം

Verse 2

വിശുദ്ധി തൻ സിംഹാസനം നീതിയും തൻ ചെങ്കോൽ തൻ നിത്യ പ്രീതി വാത്സല്യം മഹാസമുദ്രം പോൽ

Verse 3

ക്രിസ്തേശുവിൽ തൻ നിയമം നമ്മോടു സ്ഥാപിച്ചു സമ്പൂർണ്ണപാപമോചനം നൽകാൻ പ്രസാദിച്ചു

Verse 4

താൻ ഉന്നതത്തിൽ വാഴുന്നു രാജാധിരാജാവായ് പാതാളത്തോളം താഴുന്നു തൻഭക്തർ രക്ഷയ്ക്കായ്

Verse 5

നേരുള്ളവരിൻ രക്ഷകൻ അനാഥർക്കും പിതാ വിശുദ്ധന്മാരിൻ സ്നേഹിതൻ ഇതത്രേ യഹോവാ

Verse 6

ദുഃഖങ്ങളിൽ ആശ്വാസങ്ങൾ ആരോഗ്യം രോഗത്തിൽ ആത്മാവിൽ ദിവ്യോല്ലാസങ്ങൾ ഉണ്ട് യഹോവയിൽ

Verse 7

താൻ സർവ്വശക്തൻ ആകയാൽ തൻമേൽ നാം ചാരുക താൻ സത്യവാനായ് പാർക്കയാൽ തന്നിൽ നാം തേറുക

Verse 8

ഈ ഭൂമിയിൽ സമാധാനം സ്വർഗ്ഗീയ പൗരത്വം യഹോവയിൻ കൃപാദാനം തൻഭക്തർ ധന്യരാം

Verse 9

യഹോവ നാമമാഹാത്മ്യം വർണ്ണിപ്പാൻ ആവില്ല തനിക്കു നിത്യ വന്ദനം സ്തുതിയും സർവ്വദാ

LyricFront