Yerushalemen imba veede eppol njaan

Verse 1

യെരുശലേമെൻ ഇമ്പവീടേ എപ്പോൾ ഞാൻ വന്നു ചേരും ധരണിയിലെ പാടും കേടും എപ്പോൾ ഇങ്ങൊഴിയും?

Verse 2

ഭക്തരിൻ ഭാഗ്യതലമേ പരിമള സ്ഥലംനീയേ ദുഃഖം വിചാരം പ്രയത്നം നിങ്കലങ്ങില്ലേ!

Verse 3

രാവും അന്ധകാരം വെയിൽ ശീതവും അങ്ങില്ലേ! ദീപതുല്യം ശുദ്ധരങ്ങു ശോഭിച്ചീടുന്നേ

Verse 4

രത്നങ്ങളല്ലോ നിന്മതിൽ പൊന്നു-മാണിക്യങ്ങൾ! പന്ത്രണ്ടു നിൻ വാതിലുകളും മിന്നും മുത്തല്ലോ!

Verse 5

യെരുശലേമിൻ ഇമ്പ വീടെ എന്നു ഞാൻ വന്നു ചേരും! പരമരാജാവിൻ മഹത്വം അരികിൽ-കണ്ടീടും

Verse 6

ശ്രേഷ്ട നടക്കാവുകളും തോട്ടങ്ങളും എല്ലാം കാട്ടുവാനിണയില്ലാത്ത കൂട്ടമരങ്ങൾ

Verse 7

ജീവനദി ഇമ്പ ശബ്ദം മേവി അതിലൂടെ പോവതും ഈരാറുവൃക്ഷം നില്പതും മോടി

Verse 8

ദൂതരും അങ്ങാർത്തുസദാ സ്വരമണ്ഡലം പാടി നാഥനെ കൊണ്ടാടിടുന്ന ഗീതം മാമോടി

Verse 9

യെരുശലേമിൽ അധിപനീശോ തിരുമുൻ ഞാൻ സ്തുതി പാടാൻ വരും വരെയും അരികിൽ ഭവാൻ ഇരിക്കെണം നാഥാ

LyricFront