Yeshu enikkethra nallavanam klesham

Verse 1

യേശു എനിക്കെത്ര നല്ലവനാം ക്ലേശമേശാതെന്നെ കാത്തവനാം താഴ്ചകൾ വന്നാലും വീഴ്ചകൾ വന്നാലും താങ്ങി നടത്തുവാൻ വല്ലഭനാം

Verse 2

എക്കാലത്തും തൻ ഭക്തരെ തൃക്കയ്യാൽ താങ്ങി നടത്തുമവൻ കഷ്ടതയിൽ നൽ തുണ താൻ ദുഃഖത്തിൽ ആശ്വാസ-ദായകൻ താൻ

Verse 3

ഉള്ളം കലങ്ങും പ്രയാസം വന്നാൽ ഉണ്ടെനിക്കഭയസ്ഥാനമൊന്ന് ഉറ്റവർ സ്നേഹിതർ വിട്ടുപോയെന്നാലും ഉന്നതൻ മാറില്ല കൈവിടില്ല

Verse 4

ആഴിയിൽ പാതയൊരുക്കുമവൻ ആശ്രിതർക്കാപത്തൊഴിക്കുമവൻ ആ ദിവ്യ പാദത്തിലാശ്രയിച്ചോരാരും ആലംബഹീനരായ് തീർന്നതില്ല

Verse 5

തൻബലത്താലേ ഞാൻ യുദ്ധം ചെയ്യും തൻമുഖം നോക്കി ഞാൻ യാത്ര ചെയ്യും തൻകൃപമേൽ കൃപ പ്രാപിച്ചു ഞാനിന്ന് തൻപദ സേവയിൽ നാൾ കഴിക്കും

Verse 6

വാനവിതാനത്തിൽ ദൂതരുമായ് വന്നു വിളിക്കുമ്പോൾ ആ ക്ഷണത്തിൽ മണ്ണിൽ മറഞ്ഞാലും മന്നിലിരുന്നാലും വിണ്ണിൽ തൻ സന്നിധൗ ചേർന്നിടും ഞാൻ

LyricFront