Yeshu nathha nin krupaykkay sthothram

Verse 1

യേശുനാഥാ നിൻ കൃപയ്ക്കായ് സ്തോത്രമെന്നേക്കും ഈശനെ നിൻ നാമമെന്റെ ക്ലേശമകറ്റും

Verse 2

നാശമയനായൊരെന്നിൽ ജീവനരുളാൻ വൻ ക്രൂശിനെ സഹിച്ചപമാനം വഹിച്ചൊരു

Verse 3

പാവനമാം നീതിയിൽ ഞാനെന്നുമിരിപ്പാൻ നിന്റെ ജീവനിലൊരംശമെനിക്കേകിയതിനാൽ

Verse 4

നിൻഹൃദയം തന്നിലെന്നെ മുൻകുറിച്ചൊരു വൻകരുണയ്ക്കിന്നുമിവന്നർഹതയില്ലേ

Verse 5

തൻജഡ ശരീര മരണം നിമിത്തം നീ നിൻ പിതാവോടെന്നെ നിരപ്പിച്ചതുമൂലം

Verse 6

എത്രകാലം നിൻ കൃപയെവ്യർത്ഥമാക്കി ഞാ- നത്രനാളുമന്ധകാരം തന്നിലിരുന്നേൻ

Verse 7

ജീവലതയായ നിന്നിൽ ഞാൻ നിലനിൽപ്പാൻ നിന്റെ ജീവരസമെന്നിലെന്നുംതന്നുപാലിക്ക

Verse 8

വിശ്രമ ദേശത്തിലീ ഞാനെത്തും വരെക്കും നിന്റെ വിശ്രുത കൃപകളെന്നെ പിന്തുടരേണം

LyricFront