Yeshu raajan varunnitha nashalokam

Verse 1

യേശു രാജൻ വരുന്നിതാ നാശലോകം തകരുന്നേ ദൈവജനമേ ഉണർന്നിപ്പോൾ തലകളുയർത്തിപ്പാടുവിൻ

Verse 2

എഴുന്നു ശോഭിപ്പീൻ ദീപം തെളിയിപ്പീൻ പറന്നുപോകാൻ കാലമേറ്റം അടുത്തുവരുന്നിതാ

Verse 3

യുദ്ധശബ്ദം മുഴങ്ങുന്നേ കാഹളങ്ങളൂതാറായ് എത്ര വേഗം ഉണർന്നു നീ ശക്തിയെ പുതുക്കുക എഴു..

Verse 4

ജാതിജാതിയോടിതാ രാജ്യമെങ്ങും പൊരുതുന്നേ ജാതികൾ നിരാശയാൽ പരിഭ്രമിക്കും കാലമായ് എഴു..

Verse 5

ദൈവസഭയതുണരട്ടെ അനുഭവങ്ങൾ കാണട്ടെ സമയം ലേശം കളയാതെ അരുമനാഥനെ സാക്ഷിപ്പിൻ എഴു..

Verse 6

ആദ്യസ്നേഹം വിശ്വാസം ആദിമപ്രതിഷ്ഠയും പുതുക്കി ജീവിതത്തെ നീ കാത്തുസൂക്ഷിച്ചീടുക എഴു..

Verse 7

നിൻ വിചാരണയിലെ ആട്ടിൻകൂട്ടം മുഴുവനും ദുഷ്ടജന്തു തൊട്ടിടാതെ ജാഗരിച്ചു കാത്തുകൊൾ എഴു..

Verse 8

ഇടയശ്രേഷ്ഠൻ വെളിപ്പെടാൻ കാലമടുത്തുവരുന്നിതാ കൂലി തന്റെ കയ്യിലും പ്രതിഫലവുമായിതാ എഴു..

Verse 9

നിൻ കിരീടം ആരുമെടുത്തിടാതെ സൂക്ഷിക്ക ജീവിത വസ്ത്രത്തെ നീ വെൺമയാക്കിക്കൊള്ളുക എഴു..

LyricFront