Yeshu sannidhi mama bhagyam

Verse 1

യേശു സന്നിധി മമ ഭാഗ്യം ക്ലേശം മാറ്റി മഹാ സന്തോഷം ഏകുന്ന-യേശു..

Verse 2

ശുദ്ധാത്മാവനുദിനം എന്നുള്ളിൽ വസിച്ചെന്നെ പ്രാർത്ഥിപ്പാൻ പഠിപ്പിക്കുന്നേരമെപ്പോഴും യേശു..

Verse 3

ദൈവവചനമതിൽ ധ്യാനിച്ചീടുവാനതി- രാവിലെ തൻപാദം പ്രാപിക്കുന്നേരം യേശു..

Verse 4

പാപത്താലശുദ്ധനായ്‌ തീരും സമയമനു- താപഹൃദയമോടെ ഞാനണയുമ്പോൾ യേശു..

Verse 5

ലോകചിന്തകളാകും ഭാരച്ചുമടതിനാൽ ആകുലപ്പെട്ടു തളർന്നീടുന്ന നേരം യേശു..

Verse 6

ദുഃഖങ്ങൾ ഹൃദയത്തെ മുറ്റും തകര്‍ത്തീടുമ്പോൾ ഒക്കെയും സഹിച്ചീടാൻ ശക്തി നൽകുന്ന യേശു..

Verse 7

ഏതൊരു സമയമെന്നന്ധതയതുമൂലം പാതയറിയാതെ ഞാൻ വലയുമ്പോൾ യേശു..

Verse 8

തക്ക സമയമെല്ലാ മുട്ടും പ്രയാസവും തൻ മക്കൾക്കു തീർത്തു കൊടുത്തീടുന്നോരെൻ യേശു..

Verse 9

ശത്രുവിൻ പരീക്ഷയെൻ നേരെ വന്നീടുന്നോരു മാത്രയിൽ ജയം നൽകി രക്ഷിച്ചീടുന്ന യേശു..

Verse 10

മന്നിടമതിലെന്റെ കണ്ണടഞ്ഞതിൻ ശേഷം പൊന്നു ലോകവാസത്തിൽ എന്നും എന്നേയ്ക്കും യേശു..

LyricFront