Yeshu varum priyare

Verse 1

യേശു വരും പ്രിയരെ നമുക്കതിമോദമായി യാത്ര ചെയ്യാം യേശു രാജൻ വരുവാൻ നമുക്കിനി ഏറെ നാൾ കാത്തിടേണ്ടാ

Verse 2

അത്തി തളിർത്തിടുന്നു യൂദന്മാരങ്ങെത്തുന്നെറുശലേമിൽ ഇത്രയെല്ലാം അറിഞ്ഞു ഉറങ്ങുന്നതുത്തമമോ പ്രിയരെ

Verse 3

കഷ്ടത പട്ടിണിയും പലവിധ നഷ്ടം സഹിച്ചവരും പാട്ടുകളോടെ കൂടി സീയോൻ നാട്ടിൽ ചേർന്നിടാൻ കാലമായി

Verse 4

ലോകം ത്യജിച്ചവരാം അഭിഷിക്ത ശ്രേഷ്ഠ അപ്പൊസ്തോലരെ ചേർന്നു നടന്നുകൊൾവിൻ വിശുദ്ധിയിൽ ജീവിതം കാത്തുകൊൾവിൻ

Verse 5

പാഴ് മരുഭൂമിയിൽ നാം പലവിധ ക്ലേശം സഹിച്ചതിനാൽ സാരമില്ല പ്രിയരെ അതിവേഗം ചേരും നാം ഭാഗ്യനാട്ടിൽ

Verse 6

നിദ്രയിൽ നിന്നുണർന്നു പാത്രങ്ങളിൽ എണ്ണ നിറച്ചു കൊൾവിൻ മാത്ര നേരത്തിന്നുള്ളിൽ പ്രിയൻ വരും യാത്ര തുടർന്നു കൊൾവിൻ

Verse 7

ആനന്ദിക്കാം പ്രിയരെ യുഗായുഗം ആനന്ദിക്കാം പ്രിയരെ ആ ദിനം താമസമില്ല ഹല്ലേലൂയ്യാ ആനന്ദിപ്പിൻ പ്രിയരെ

Download Song