Yeshuvin arikil vaa paapi

Verse 1

യേശുവിന്നരികിൽ വാ പാപി ഈശൻ നിൻ ദുരിതങ്ങൾ തീർത്തിടും വേഗം

Verse 2

പാപത്തിൽ വളർന്നു നീ നരകത്തീയിൽ വീണു താപത്താലെരിയാതെ വരിക വൈകാതെ

Verse 3

നിൻപാപമഖിലവും തൻ കണ്ണിന്നു മുമ്പാകെ കാണുന്നായതിനാലെ താണു നീ വേഗം

Verse 4

പാപിക്കാശ്രയമായി താനല്ലാതെയില്ലാരും പാദേ ചേർന്നിടുന്നോരെ പാലിക്കുന്നോരു

Verse 5

ആണിപ്പാടുകളുള്ള പാണി നീട്ടിയും കൊണ്ടു ക്ഷീണരെ വിളിക്കുന്നു കാണുന്നില്ലേ നീ?

Verse 6

ഒന്നുകൊണ്ടുമെൻ ചാരേ വന്നിടും നരരെ ഞാൻ നിന്ദിച്ചു ത്യജിക്കയില്ലെന്നു ചൊന്നൊരു

Verse 7

നിന്നെ നോക്കിയും കൊണ്ടുകണ്ണുനീർ ചൊരിയുന്നു പിന്നെയെന്നു നീ ചിത്തേ ചിന്തിച്ചിടാതെ

Verse 8

ഉന്നതൻ വിളികേട്ടു പിന്നാലെ വരികെന്നാൽ പൊന്നുലോകത്തിലെന്നും സാമോദം വാഴാം

LyricFront